أشهر طريقه لعمل الغريبه والبيتى فور...

[color=red][size=18]الغريبة

اللي بتميز الأيام الجميلة دي، واللي الواحد بيستناها من السنة

المقادير‏:

• 1‏ كيلو دقيق ‏(8‏ أكواب متوسطة‏)
• 3‏ أكواب زبد‏
• 1‏ كوب سكر بودرة‏
• بياض بيضة
• فانيليا
• ذرة ملح‏
• أنصاف لوز للتجميل

الطريقة‏:‏

1. انخلي الدقيق واضربي الزبدة مع السكر بالمضرب الكهربائي لغاية ما ينعم الخليط ويبقى مثل الكريمة.

2. اضربي بياض البيضة مع الفانيليا بالشوكة وضيفيه للخليط السابق مع الاستمرار في الخفق‏.

3. حطي الدقيق بالتدريج واعجني المقدار لغاية ما العجينة تبقى ناعمة (ماتكونش بتلزق في إيدك)‏.

4. سخني الفرن وبعدين شكلي العجينة علي هيئة كرات صغيرة بحجم البندقة الكبيرة واغرزي فيها نص لوزة وبرضه تراعي إنك ماتضغطيش عليها بإيدك‏.‏

5. ادهني الصاج بالسمنة ورصي فيه الغريبة واظبطي الفرن على درجة حرارة متوسطة لغاية ما تستوي، بس خلي بالك إن لونها مايتغيرش يفضل زي ما هو سكري فاتح‏.‏

6. شيليها من الصاجات أول ما تخرج من الفرن بس بالراحة لأن الغريبة ناعمة‏.‏

7. لما تبرد كويس رصيها في علب التقديم‏.‏

وبالهنا والشفا


البيتي فور

للسنة.. وعلشان كده انا قررت أني اقدم لك ملف كامل

المقادير:

• 3كوبايات دقيق
• 1/2 كوباية زبدة
• 1/2كوب مربى مشمش
• 1/2كوب فستق مطحون للتجميل
• 1 بيضة
• 4/3كوب سكر ناعم
• ذرة ملح
• 1/2 ملعقة صغيرة بيكنج بودر
• ملعقة صغيرة فانيليا

الطريقة:

1. اضربي الزبدة مع السكر بالمضرب الكهربائي لغاية ما تبقى ناعمة مثل الكريمة، ثم ضيفي إليها البيضة.


2. ضيفي الدقيق إلى البيكنج بودر والملح وضيفيهم إلى الخليط السابق بالتدريج ومع التقليب المستمر لغاية ما تبقى العجينة سهلة التشكيل.

3. تشكل العجينة بماكينة البيتي فور أو بقمع موضوع في كيس قماش، ممكن إنك تشكليها زي ما إنت عايزة على شكل وردة أو كورة صغيرة ثم رصيها في صينية تيفال.

4. سخني الفرن على درجة حرارة متوسطة ثم دخلي البيتي فور لمدة ربع ساعة.

5. خرجيه من الفرن واتركيه لغاية ما يبرد.

6. للتجميل ادهني طرف البيتي فور بمربى مشمش ورشي فوقه فستق مطحون.

ملحوظة: لما تعمليه بالشكولاتة شيلي مقدار 1 1/2 ملعقة دقيق ويوضع بدلا منها بودرة كاكاو.

وبالهنا والشفا]

تسلم ايديكى ياقمرة بجد حلوة اوى الطريقة وسهلة جدا
ربنا يجعله فى ميزان حسناتك ان شاء الله